DC AKAGUA MAENDELEO YA UTEKELEZAJI WA MIRADI

Posted on: September 14th, 2023

Mkuu wa Wilaya ya Kwimba Mheshimiwa Ng'wilabuzu Ludigija akagua maendeleo ya utekelezaji wa miradi katika Kata ya Sumve, ambapo amekagua maendeleo ya ujenzi wa kituo cha Afya Budushi hapo amesisitiza kasi ya ujenzi iongezeke.

Baada ya hapo Mheshimiwa Ludigija amekagua maendeleo ya ujenzi wa mabweni na madarasa katika Shule ya Sekondari Sumve mradi unaotekelezwa Kwa ufadhili wa  Kampuni ya Barrick hapo amepongeza kasi ya utekelezaji wa mradi huo.

Aidha Mkuu huyo amekagua maendeleo ya ujenzi wa Shule mpya ya Sekondari katika Kijiji cha Bumyengeja hapo amewaelekeza wasimamizi wa mradi huo kuongeza kasi ya utekelezaji Ili mradi ukamilike kwa wakati. Kijiji cha Bumyengeja kimepokea milioni 584 kwaajili ya ujenzi wa Shule mpya ya Sekondari Ili kupunguza msongamano wa wanafunzi uliopo katika Shule ya Sekondari Sumve na kuwapunguzia umbali wa kuifikia Shule, wanafunzi wanaoishi katika vijiji vya Mwashilalage, Bumyengeja na maeneo jirani.