MAKABIDHIANO YA WAKURUGENZI KWIMBA

Posted on: August 26th, 2024

Mkurugenzi Mtendaji wa Halmashauri ya Wilaya ya Kwimba Dkt. Amon D. Mkoga amekabidhiwa ofisi na aliyekuwa Mkurugenzi wa Halmashauri ya Wilaya ya Kwimba Bi.  Happiness Msanga ambaye amehamishiwa Halmashauri ya Karagwe.

Akikabidhi ofisi Bi Happiness  amewataka watumishi wa Kwimba kumpatia ushirikiano Dkt Mkoga ili Kwimba iendelee kung'ara katika sekta zote "Mpeni ushirikiano Mkurugenzi, endeleeni kuing'arisha Kwimba" amesema Msanga 

Baada ya kukabidhiwa nyaraka mbalimbali za ofisi Dkt. Mkoga amewataka watumishi wote kufanya kazi kwa ushirikiano huku wakizingatia wajibu wao.

Awali Makamu Mwenyekiti wa Halmashauri  Mhe. Lameck Hole amewapongeza wakurugenzi wote kwa kuendelea kuaminiwa na Serikali pia amempongeza Bi Happiness  kwa kazi za maendeleo alizotekeleza hapa Kwimba

" sisi kama Halmashauri tunakushukuru sana Mkurugenzi  Happiness  kwa ushirikiano wako kwenye shughuli za maendeleo Kwimba, umefanya mambo makubwa ambayo yalikuwa hayajawahi kutokea" amesema Mhe. Hole 

Naye Afisa Maendeleo ya Jamii wa Wilaya Bi. Rozalia Magoti amewashukuru viongozi hao kwa niaba ya watumishi, pia amemkaribisha Mkurugenzi  Mkoga na amemuahidi ushirikiano " tukuahidi Mkurugenzi tutashirikiana katika kutekeleza majukumu yetu ili kuendeleza  maendeleo ya Kwimba.