MKURUGENZI AFUNGUA KIKAO KAZI CHA MAFUNZO YA MFUMO WA UPIMAJI

Posted on: December 4th, 2023

Mkurugenzi Mtendaji wa Halmashauri ya Wilaya ya Kwimba Bi. Happiness Msanga amefungua mafunzo ya watumishi yanayohusu mfumo wa upimaji wa  utendakazi  wa watumishi wa umma.

Akifungua mafunzo hayo  Bi. Msanga amewataka watumishi wote kuzingatia maelekezo yatakayotolewa na wakufunzi kwani hicho ndio kipimo cha uwajibikaji wa kila mtumishi

"niwaombe muwe watulivu,msikilize kwa umakini ili muuelewe huu mfumo maana hakuna mbadala wake lazima kila mtumishi atapimwa uwajibikaji wake kupitia huu mfumo"

Mkufunzi wa mafunzo hayo Ndugu Rwechungula amesema lengo la mfumo huo ni kuwafanya watumishi kutoa huduma bora kwa Wananchi kwani mfumo huo unamuongoza kila mtumishi kutimiza majukumu yake ya kila siku.

Mafunzo hayo yamefunguliwa leo Desemba 4,2023 yataendelea Kwa muda wa siku tatu ambapo watumishi wa kada zote  watafundishwa mfumo huo.