MAANDALIZI YA KUPOKEA WANAFUNZI WA KIDATO CHA KWANZA KWA MWAKA 2021 KATIKA HALMASHAURI YA WILAYA YA KWIMBA YAFIKIA ZAIDI YA ASILIMIA 80.

Posted on: December 3rd, 2020

Timu ya menejimenti ikiongozwa na Mkurugenzi Mtendaji wa Halmashauri ya Wilaya ya Kwimba Bibi. Pendo Malabeja ilitembelea na kukagua maandalizi ya kupokea wanafunzi wa kidato cha Kwanza kwa siku tatu mfululizo . Timu ya menejimenti iliweza kujionea maandalizi ya kupokea wanafunzi, kufanya vikao na wajumbe wa WDC wakiwemo waheshimiwa madiwani wa kata husika ili kufanya tathmini ya pamoja ya hali ya madarasa na madawati, kubadilishana uzoefu na kutoa hamasa kwa wananchi kuchangia shughuli za maendeleo. Timu ilijiridhisha kuwa maandalizi ya kupokea wanafunzi wa kidato cha kwanza katika shule za Sekondari yamefikia zaidi ya asilimia 80.

Bibi.Pendo Malabeja Mkurugenzi Mtendaji wa Halmashauri ya Wilaya ya Kwimba akiongozana na Timu ya menejimenti pamoja na wajumbe wa WDC wakifanya kikao kazi cha kutathmini mapokezi ya wanafunzi wa kidato cha kwanza kwa mwaka 2021 katika kata ya Mwakilyambiti.

Timu ya viongozi wa Halmashauri wakikagua madarasa kwa ajili ya mapokezi ya kidato cha kwanza Shule ya Sekondari Nyamigamba kata ya Bugando.