BALAZA LA MADIWANI LAPITISHA BAJETI YA BILIONI 4 YA MAPATO YA NDANI

Posted on: February 18th, 2025

Halmashauri  ya Wilaya ya Kwimba inatarajia kukusanya  bilioni 4 kutoka mapato ya ndani kwa mwaka wa fedha 2025/26.Wakijadili bajeti hiyo kwenye baraza la madiwani lililofanyika Feb. 17,2025 wamesisitiza miradi yote iliyopangwa kutekelezwa katika mwaka huo  itekelezwe .

Akiongea kwa niaba ya Mkuu wa Wilaya,ndug Mohamed Ngasinda Katibu Tawala wa Wilaya  amemshukuru Mheshimiwa Rais  kwa kuleta fedha za kutekeleza miradi ya maendeleo kwa mwaka wa fedha 2024/25 pia ameipongeza Halmashauri  kwa kusimamia utekelezaji miradi kwa weledi.

Aidha amewataka wasimamizi wa miradi kuendelea kusimamia miradi kwa weledi ili thamani ya fedha ionekane kwenye miradi hiyo

"Mipango yote mliyopanga mkaisimamie bila kuzembea, mwaka ujao 2025/26  mwende mkasimamie fedha hizi mlizobajetia lakini pia niendelee kuwasihi watendaji muendelee kusimamia miradi  kwa kasi ileile mliyoonyesha mwaka huu  unaoelekea kuisha" Ngasinda

Nao waheshimiwa madiwani wametaka miradi yote iliyopangwa itekelezwe ili kata zote ziwe na miradi ya maendeleo.

Akiwasilisha taarifa ya mpango na bajeti wa mwaka wa fedha 2025/26 ndugu Rogatevane Kipigapas Afisa mipangi Wilaya amesema " katika mwaka wa fedha 2024/25 Halmashauri  ilibajeti bilion  3.9 lakini katika mwaka ujao 2025/26 Halmashauri  imepanga kukusanya bilioni 4 ambayo itaongezeka kutokana na ongezeko la vyanzo vipya vya mapato kama ufunguzi wa vituo vya afya,zahanati na shule ya mchepuo wa kiingereza.