BARAZA LA MADIWANI LAHIMIZA ELIMU YA MPIGA KURA KUENDELEA KUTOLEWA

Posted on: November 13th, 2024

Kuelekea Uchaguzi wa Serikali za mitaa  baraza la Madiwani limesisitiza elimu ya mpiga kura iendelee kutolewa kwa wananchi ili waweze kushiriki uchaguzi utakaofanyika Novemba 27,2024 

" tuendelee kuwaelimisha wananchi juu ya umuhimu wa kupiga kura na kuchagua viongozi bora watakaoweza kuchochea maendeleo ya vijiji vyetu" amesema Mhe.Thereza Lusangija Mwenyekiti wa Halmashauri 

Katika baraza hilo lililofanyika Novemba 13,2024 kwenye ukumbi wa Halmashauri  taarifa mbalimbali zimejadiliwa lakini msisitizo mkubwa ukiwa kwenye uhamasishaji na utoaji wa elimu ya mpiga kura

Naye Mbunge wa jimbo la Kwimba Mhe Shanif Mansour ameshauri vyama vyote vya siasa vishindane kwa hoja ili wananchi wamchague kiongozi kutokana na sera alizonazo

" Uchaguzi huu ni huru na haki kwahiyo twende tukafanye kampeni tuwashawishi wananchi wachague Viongozi wenye hoja za kuleta maendeleo tukashindane kwa sera kila chama kifanye kampeni ili wananchi wachague ni kiongozi yupi anayefaa" Shanif

Akiwasilisha taarifa ya maendeleo  Mkurugenzi Mtendaji  ambaye pia ni Msimamizi wa uchaguzi Dkt Amon Mkoga  amesema elimu ya mpiga kura inaendelea kutolewa kwa wananchi kupitia njia mbalimbali  kama matamasha, bonanza, vyombo vya habari, machapisho  na mikutano ya hadhara