DC LUDIGIJA AHAMASISHA WANANCHI KUSHIRIKI UCHAGUZI SERIKALI ZA MITAA

Posted on: September 17th, 2024

Mkuu wa Wilaya ya Kwimba Mhe. Ng'wilabuzu Ludigija amewataka wananchi wa Kata ya kikubiji kujitokeza kushiriki uchaguzi wa Serikali za Mitaa kwa kugombea nafasi za uongozi au kuwapigia kura wale watakaogombea.

Ameyasema hayo leo Septemba  17,2024 kwenye Mkutano alioufanya katika Kijiji cha Mwang'anga Kata ya Kikubiji " jitokezeni kugombea nafasi za Mwenyekiti,mjumbe na uchaguzi ukifika pigeni kura ili mpate viongozi bora watakaosimamia maendeleo ya Kijiji chenu" 

Pia amewashauri kuhakikisha wanajiandikisha kwenye daftari la mpiga kura kwaajili ya uchaguzi huo unaotarajiwa kufanyika Novemba 27, huku uandikishaji ukitarajiwa kuanza oktoba 11 -20,2024.

Awali Mkuu huyo alikagua miradi inayotekelezwa katika kijiji hicho ikiwa ni pamoja na ujenzi wa madarasa katika Shule ya Msingi Mwang'anga.

Wananchi walioshiriki Mkutano huo wamemshukuru kiongozi huyo kwa kuona umuhimu wa kutoa elimu ya umuhimu wa kupiga kura.