DC LUDIGIJA AHIMIZA WANAFUNZI KUPEWA CHAKULA CHENYE VIRUTUBISHO VYA LISHE

Posted on: November 13th, 2025

Mkuu wa Wilaya ya Kwimba Mhe.Ng'wilabuzu Ludigija amewataka Maafisa Elimu Msingi na Sekondari kuongeza ufuatiliaji ili kujiridhisha kama wanafunzi wanapewa chakula chenye virutubisho.

Ameyasema hayo 13,Novemba 2025 katika kikao cha tathmini ya lishe kilichofanyika katika ukumbi wa Halmashauri ya Wilaya ya Kwimba

"Maafisa Elimu mna kazi ya kufanya hasa elimu Msingi fatilieni mjue kama kweli wanafunzi wanapata chakula na vyakula hivyo vinatunzwa vizuri, je unga unasagwa kwenye mashine zinazoongeza virutubisho, tusiridhike na taarifa tunazoletewa twende tukajiridhishe hali ya lishe ikoje kwa kila shule" amesema Ludigija

Pia ametumia kikao hicho kuwataka Wakuu wa Shule kuzingatia mahitaji ya wanafunzi kulingana na miundombinu iliyopo.

Aidha amewasisitiza watendaji kwenda kuwahimiza wananchi kujikita kwenye kilimo maana msimu umeanza. Na hari ya hewa hairidhishi hivyo wananchi wahamasishwe kulima nazao yanayostahimili mvua hali ya ukame.

Mheshimiwa Ludigija amewataka watendaji kwenda kusimamia utekelezaji wa miradi na ukusanyaji wa mapato maana kazi iliyokuwa imewabana sana ya uchaguzi imeisha

" uchaguzi umeisha sasa nendeni mkafanye kazi, kasimamieni miradi ya maendeleo miradi yote iliyopokea fedha itekelezwe na ikamilike kwa wakati,pia nendeni mkakusanye mapato ya Halmashauri" Ludigija

Akiwasilisha taarifa ya robo ya kwanza ya mwaka 2025/26 ya Lishe Afisa lishe Bi.Ema Kalolo amesema Halmashairi imeongeza mashine za kuongeza virutubisho kwenye unga kutoka mashine moja hadi mashine tano ambapo kila tarafa imefungiwa mashine hivyo Wakuu wa Shule na Walimu Wakuu wanapaswa kwenda kusaga unga kwenye mashine hizo ili wanafunzi waweze kupata lishe inayotakiwa.