DC LUDIGIJA AKABIDHI PIKIPIKI KWA MAAFISA AFYA

Posted on: December 20th, 2025

Mkuu wa Wilaya ya Kwimba Mhe. Ng’wilabuzu Ludigija amekabidhi pikipiki tatu kwa maafisa afya wa kata kwa lengo la kuimarisha utoaji wa huduma za afya ngazi ya jamii, hususani katika maeneo ya vijijini.

Akikabidhi pikipiki hizo  amewataka  maafisa afya kuzitumia  kwa uangalifu na kwa kuzingatia taratibu za matumizi ya mali za umma ili kuongeza tija katika utoaji wa huduma za afya kwa wananchi wa Wilaya ya Kwimba

“ pikipiki hizi  zitasaidia kuimarisha ufuatiliaji wa huduma za afya ya msingi, utoaji wa elimu ya afya kwa jamii, pamoja na ufuatiliaji wa wagonjwa katika maeneo yao ya kazi, hasa katika maeneo yenye changamoto za miundombinu ya usafiri.”amesema Ludigija 

Kwa upande wao, maafisa afya waliokabidhiwa pikipiki hizo wameishukuru  Serikali kwa kuwawezesha vitendea kazi hivyo, kuwa sehemu ya msaada katika kutoa huduma kwa  wananchi kwa ufanisi na kwa wakati.