DC LUDIGIJA ATOA ELIMU YA MPIGA KURA

Posted on: October 15th, 2024

Mkuu wa Wilaya ya Kwimba Mhe. Ng'wilabuzu Ludigija  akiwa ameambatana na Kamati ya Usalama ya Wilaya na Wasimamizi wasaidizi wa Uchaguzi  wameendelea kupita mtaa kwa mtaa wakihamasisha Wananchi kujitokeza kujiandikisha kwenye daftari la wapiga kura kwaajili ya uchaguzi wa Serikali za mitaa utakaofanyika Novemba 27,2024.

Mkuu huyo ametumia wasaa huo kuwaelewesha Wananchi kuwa uandikishaji wa sasa ni tofauti ule uandikishaji ambao wananchi wanapewa kitambulisho

" wananchi mnatakiwa mjue kuwa ule uandikishaji mliopewa kitambulisho ni kwaajili ya Uchaguzi Mkuu utakaofanyika mwaka 2025 wa kuchagua Rais, Wabunge na Madiwani lakini huu uandikishaji wa sasa hivi kwanza haupewi kitambulisho ni kujiorodhesha kwenye daftari ili siku ya uchaguzi wa Serikali za mitaa uweze kumchagua Mwenyekiti wa Kijiji chako na kitongoji pamoja na wajumbe wa Serikali ya kijiji" Ludigija 

Wananchi wa Halmashauri  ya Wilaya ya Kwimba wameendelea kujitokeza kujiandikisha kwenye daftari ambapo kufikia jana zaidi ya asilimia 80 ya lengo la Wilaya walikuwa wamejiandikisha.