DED MSANGA AWAPONGEZA WAHITIMU KIDATO CHA NNE BISHOP MAYALA

Posted on: December 2nd, 2023

Mkurugenzi Mtendaji wa Halmashauri ya Wilaya ya Kwimba Bi. Happiness Msanga amewapongeza wahitimu wa kidato cha nne Shule ya Sekondari Arch. Bishop Mayala.

Pongezi hizo zimetolewa leo Desemba 2,2023 kwenye mahafali iliyofanyika shuleni hapo

" niwapongeze Kwa hatua hii maana mlianza wengi lakini Leo mmehitimu 47 hongereni sana"

Msanga ameitumia nafasi hiyo kuwaasa wanafunzi hao kwenda kuishi maisha yenayozingatia maadili mema, pia amewasisitiza kujisimamia na kutoshawishika

" lengo la kusomeshwa muweze kujiamini na kujisimamia, msishawishike kupotoka na hakikisheni Kila jambo linafanyika kwa wakati wake"

Bi. Msanga amewataka kwenda kutumia teknolojia kujifunza mambo mema siyo kwenda kurekodi mambo yasiyofaa ambayo yanaweza kuwachafulia sifa maisha yao yote.

Aidha amewataka wazazi wa wanafunzi wanaosoma Shule hiyo kulipa ada na michango kwa wakati ili kurahisisha uendeshaji wa shughuli za Shule.

Mwalimu Scolastica Mkuu wa Shule hiyo akiwasilisha risala amesema Shule inazo changamoto mbalimbali ikiwa ni pamoja na ukosefu wa bwalo la wanafunzi, kutokana na changamoto hiyo mgeni rasmi ameongoza harambee ambapo michango ya ujenzi wa bwalo imechangiwa ikiwa ni pamoja na vifaa vya ujenzi na fedha.