KAMATI YA FEDHA, UONGOZI NA MIPANGO YAFANYA ZIARA YA MAFUNZO SHINYANGA

Posted on: April 13th, 2022

Kamati ya fedha, Uongozi na mipango ya Halmashauri ya Wilaya ya Kwimba  yafanya ziara ya mafunzo  katika Halmashauri ya Wilaya ya Shinyanga kujifunza  namna shughuli mbalimba za ukusanyaji wa mapato katika migodi wa Wilaya hiyo inavyotekelezwà

Ziara hiyo ilifanyika kuanzia  tarehe 12-13 ,Aprili 2022  katika mgodi wa Nyandolwa  ilikua na lengo la kujifunza mbinu mbalimbali ambazo wataalam wa Halmashauri hiyo wanazitumia ili kukusanya mapato katika migodi ya Wilaya hiyo.

Wajumbe wa kamati hiyo iliyoongozwa na Mwenyekiti wa Halmashauri Mhe. Theleza Lusangija na Mkurugenzi Mtendaji wa Halmashauri ya Wilaya ya Kwimba Bi. Happiness Msanga, Waheshimiwa Madiwani na Wataalam walipata nafasi ya kujifunza utaratibu mzima wa shughuli zote zinazofanyika migodini ikiwemo uchimbaji wa madini,uchenjuaji na uuzaji wa dhàhabu na jinsi shughuli hizo  zinavyosaidia katika kuinua uchumi wa Wilaya hiyo.

Katika Mgodi wa Nyandolwa Kamati iliweza kukutana na Mwenyekiti wa kamati ya ukusanyaji wa mapato katika mgodi huo Ndugu Ephafras Mazina ambaye aliweza kuelezea jinsi kazi za mgodi huo zinavyofanyika na jinsi wanavyoweza kudhibiti utoroshaji wa dhahabu na hivyo kuongeza mapato ya Halmashauri hiyo

"Katika mgodi huu tunayo timu inayosimamia ukusanyaji wa mapato, tunahakikisha kila mfuko wa mawe unalipiwa ushuru, wanaojishughulisha na biashara zote wanalipa ushuru, wenye magari ya kubeba mizigo na vyombo vingine vya usafiri wanalipa ushuru kwa mujibu wa sheria zilizowekwa na wanaokiuka utaratibu wanatozwa faini kwa mujibu wa sheria" alisema Mazina

Aidha kamati hiyo iliweza kutembelea maeneo mengine ikiwemo eneo inapojengwa hospitali ya Wilaya hiyo na kuona shughuli hiyo inavyotekelezwa, katika eneo hilo Mhandisi amabaye alielezea mbinu wanazotumia ili kuhakikisha miradi inakamilika kwa viwango vinavyotakiwa.

Wajumbe wa kamati hiyo waliweza kuzungumza na Kaim Mkurugenzi wa Halmashauri ya Wilaya ya Shinyanga Ndugu Stewart Makali  ambaye aliwakaribisha katika Wilaya hiyo na akawaeleza kwa kifupi Shughuli za kibiashara zinazofanyika katika Wilaya hiyo, kisha wajumbe waliahidi kwenda kufanyia kazi yale mazuri yote waliyojifunza kutokana na ziara hiyo.