KAMATI ZA MAENDELEO ZA KATA ZATAKIWA KUHAMASISHA MAENDELEO

Posted on: July 18th, 2024

Mkurugenzi Mtendaji wa Halmashauri ya Wilaya ya Kwimba Bi. Happiness Msanga  amezitaka kamati za maendeleo  za Kata ya Mantare na Mwabomba kuhamasisha na kusimamia shughuli za  maendeleo kwenye  maeneo yao.

Ameyasema hayo leo Julai 18,2024 kwenye kikao cha kamati ya maendeleo ya kata alipokuwa akisikiliza kero na changamoto za maeneo hayo " hamasisheni wananchi kushiriki shughuli za maendeleo, pia viongozi mnatakiwa kuwa mfano bora kwenye kujitoa kushiriki maendeleo"

Ametumia vikao hivyo kuwahamasisha Walimu wakuu wa Shule za kata hizo kuongeza juhudi za ufundishaji ili kuongeza ufaulu wa wananfunzi

" Kati yenu hakuna Shule iliyoingia kumi bora kwenye matokeo ya  mitihani iliyopita, mjitafakari, ongezeni juhudi tunataka kuona ufaulu  unaongezeka" 

Bi. Msanga  ametumia vikao hivyo kuhamasisha viongozi hao kwenda kutoa elimu kwa  wananchi juu ya umuhimu wa kujiandikisha na kuboresha taarifa kwenye daftari la mpiga kura zoezi linalotarajiwa kufanyika hivi karibuni

Viongozi  walioshiriki vikao hivyo wameahidi kwenda kufanyia kazi maelekezo yote yaliyotolewa