KWIMBA IKO TAYARI KUWAPOKEA WANAFUNZI WOTE WALIOCHAGULIWA KUJIUNGA KIDATO CHA TANO

Posted on: August 18th, 2023

Mkuu wa Wilaya ya Kwimba Mheshimiwa Ng'wilabuzu Ludigija amewataka wazazi wa wanafunzi waliochaguliwa kujiunga na kidato cha tano katika Shule za Sekondari Wilayani Kwimba kuwaleta wote kwani Shule zote ziko tayari kuwapokea wanafunzi wote.

Ameyasema hayo leo Agosti 18,2023 wakati akikagua mwenendo wa kuripoti kwa wanafunzi hao katika Shule ya Sekondari Mwamashimba " miundombinu  yetu Iko vizuri, Mheshimiwa Rais ametuongezea madarasa nane, mabweni manne na vyoo katika Shule hii na Shule nyingine zote za Kwimba miundombinu imeboreshwa kwahiyo wanafunzi wote waje kusoma na niwahakikishie kuwa Kwimba ni mahali salama, mazingira ya ujifunzaji yako vizuri  sana"  amesema Ludigija

Aidha Mkuu huyo amewataka wanafunzi wote kuhakikisha wanazingatia masomo yao na kusoma kwa bidii Ili kuongeza ufaulu " mmeona wenzenu waliomaliza kidato cha sita wametufurahisha sana wamefanya vizuri kwenye matokeo yao sasa tunataka nyie mfanye vizuri zaidi ya hao walioondoka " Ludigija

Mkuu wa Shule ya Mwamashimba  Mwalimu Ngole Mwanzalima  amesema mpaka leo asubuhi wamesharipoti wanafunzi 120 kati ya 400 waliopangiwa kujiunga na kidato cha tano katika Shule hiyo