KWIMBA YAPONGEZWA KWA KUPATA HATI SAFI

Posted on: June 25th, 2024

Halmashauri  ya Wilaya ya Kwimba  imepongezwa kwa kupata hati safi, pongezi hizo zimetolewa na viongozi walioshiriki Baraza la hoja lililofanyika Leo Juni 25,2024 kwenye ukumbi wa Halmashauri ya Wilaya ya Kwimba.

Akiongea katika baraza hilo Katibu Tawala Mkoa wa Mwanza Ndugu Elikana Balandya ameipongeza Halmashauri kwa kuweza kupunguza hoja kutoka hoja 70 hadi kubaki na hoja 11, pia  amewataka Waheshimiwa madiwani kushirikiana na watumishi wa Halmashauri  katika kusimamia utekelezaji wa miradi  ili kuondoa hoja za miradi kutokukamilika

' ni vizuri Madiwani mkishirikiana na watumishi kusimamia utekelezaji wa miradi ili  ikamilike na muondokane na hoja za miradi ambayo haijakamilika'

Aidha  Balandya amezitaka taasisi za umeme na maji kushirikiana na Halmashauri ili  kufikisha huduma hizo kwenye vituo ya Afya ambavyo bado havijaanza kutoa huduma kwa wananchi kutokana na kukosekana kwa maji na umeme.

 Naye  Mkuu wa Wilaya ya Misungwi Mhe. Johari Samizi akiongea kwa niaba ya Mkuu wa Wilaya ya Kwimba ameipongeza Halmashauri  kwa kupunguza hoja za miradi ambayo haijakamilika na kupata hati safi.

Akiwasilisha taarifa  ya mkaguzi wa hesabu za serikali ndugu Mustapha  amesema kwa hesabu za mwaka 2022/23 Halmashauri  ya Wilaya ya Kwimba  ilipata hati ya kuridhisha na  kwa miaka mitatu  mfululizo kwimba imepata hati safi.

Mkurugenzi wa Halmashauri  hiyo Bi. Happiness Msanga amesema Halmashauri inaendelea kujibu hoja ambapo mwaka 2021 Halmashauri  ilikuwa na hoja 70 zilijibiwa hoja 69 ikabaki moja, mwaka 2021/22 zilikuwa hoja 62 zilifutwa 59 zikabaki tatu na mwaka 2022/23 hoja zilikuwa 28 zilifutwa 21 zikabaki saba na mpaka sasa  Halmashauri ina hoja 11 ambazo  ziko hatua mbalimbali za utekel