KWIMBA YATOA MILIONI 607 KWA VIKUNDI 37 VYA VIJANA,WANAWAKE NA WALEMAVU

Posted on: February 21st, 2025

Halmashauri ya Wilaya ya Kwimba imeendelea kuviwezesha vikundi vya vijana,wanawake na watu wenye ulemavu kwa kuwapatia mikopo isiyo na riba inayotokana na asilimia kumi ya mapato ya ndani.

Jumla ya milioni 607 zimetolewa leo Feb. 21,2025 kwa vikundi vya wanawake,vijana na watu wenye ulemavu ambao wameaswa kwenda kutumia fedha hizo kwa malengo yaliyokusudiwa

" wito wangu kwenu nendeni mkafanye kazi mlizoandika kwenye maandiko yenu ili mkaweze kuzarisha fedha hizo na muweze kujiinua kiuchumi, pia niwasisitize tu kwamba fedha hizo hazina riba lakini zinarejeshwa kwahiyo marejesho ni lazima" amesema Ludigija

Akiongea na vikundi hivyo Mkuu wa Wilaya ya Kwimba  Mhe. Ng'wilabuzu Ludigija  ambaye alikuwa mgeni rasmi katika tukio hilo amewataka watu wote waliopata mkopo huo kuwa na nidhamu ya  fedha ili waweze kutimiza malengo yao

" hakikisheni mnakuwa na nidhamu  ya fedha siyo umepewa mkopo kwaajili ya biashara wewe unaenda kutumia fedha hiyo kuoa, mkifanya hivyo mtashindwa kurejesha harafu mtaanza kukamatwa na kupelekwa polisi, niwasisitize kafanyeni kazi kurejesha ni lazima ili na wengine wapate" Ludigija

Naye Mkurugenzi  Mtendaji wa Halmashauri ya Wilaya ya Kwimba Dkt Amon Mkoga  amewataka wanavikundi waliopata mikopo kwenda kuendeleza miradi na kutafuta fursa za biashara maeneo mbalimbali " ombeni kufanya biashara na Halmashauri  kwamfano mnaopika chakula na kazi nyingine" amesema Mkoga

Wanavikundi waliopokea mikopo hiyo wamemshukuru Mheshimiwa Rais wa Jamhuri ya Muungano wa Tanzania Dkt Samia Suluhu Hassan kwa kuruhusu mikopo hiyo ikuanza  kutolewa na wameahidi kwenda kufanya kazi  iliyokusudiwa.