MAFUNZO KWA VIONGOZI WA SERIKALI ZA MITAA

Posted on: December 6th, 2024

Viongozi waliochaguliwa kwenye uchaguzi wa Serikali za mitaa  uliofanyika Novemba 27,2024 wamepata mafunzo ya kuwaongoza katika kutekeleza majukumu yao.Mafunzo hayo yamefanyika katika tarafa tano za Halmashauri ya Kwimba ambapo wamesisitizwa uwajibikaji.

Katika mafunzo hayo mada mbalimbali zimewasilishwa  ikiwa ni pamoja na majukumu ya Mwenyekiti wa Kijiji, Mwenyekiti  wa kitongoji, majukumu ya mkutano mkuu wa kijiji na mambo mengine.

Aidha viongozi hao wamesisitizwa kutimiza wajibu wao ikiwa ni pamoja na kuhamasisha wananchi kushiriki kwenye shughuli za maendeleo, kuhamasisha ulinzi na usalama, kuhamasisha mapato,kushiriki vikao vya kisheria na mikutano mingine.