MGANGA MFAWIDHI ZAHANATI YA MWITAMBU AZAWADIWA KWA KUTOA HUDUMA BORA ZA AFYA

Posted on: November 17th, 2025

Idara ya Afya ya Halmashauri ya Wilaya ya Kwimba ikionhgozwa na Mkuu wa Idara hiyo Dr. Fredrick Mgarula wamejipanga kuboresha huduma za Afya katika kila Zahanati na Vituo vya Afya.

Katika kutekeleza hilo Idara inawashindanisha waganga wafawidhi wa Zahanati hizo ambapo vigezo mbalimbali vimeweka ili kumpata mshindi.

Katika robo hii ya kwanza ya mwaka 2025/26 Mganga mfawidhi wa Zahanati ya Mwitambu Renatus Nyanda amebuka mshindi na kujitwalia Cheti na fedha taslimu.

Akikabidhi zawadi hiyo Mkurugenzi Mtendaji wa Halmashauri ya Wilaya ya Kwimba Dkt Amon Mkoga amempongeza Mganga huyo kwa kutoa huduma bora na kutimiza majukumu yake kwa weledi, pia amewataka wote wanaosimamia Zahanati na Vituo vya Afya kuhakikisha wanatoa huduma bora kwa wagonjwa, kutoa taarifa kwa wakati na kuhakikisha dawa zinapatikana vituoni

"Afya ni kitu cha muhimu sana na kazi yenu inamgusa kila mtu hivyo ongezeni juhudi zaidi ili muwahudumie wananchi kwa wakati" amesema Mkoga

Idha waganga ambao Zahanati zao hazijatimiza vigezo vyote wametakiwa kuongeza juhudi kuhakikisha wanatoa huduma bora hasa huduma ya mama na mtoto,kuweka mikakati ya kutokomeza Malaria na kuongeza ukusanyaji wa mapato.

Naye Renatus Nyanda akipokea baada ya kupokea zawadi hiyo amewashukuru viongozi kwa kuona huduma wanayoitoa kwa wananchi na ameahidi kwenda kuboresha zaidi

" nawashuku viongozi kwa kuona kazi tunayoifanya na zawadi hii ni chachu ya kwenda kuboresha zaidi huduma kwa wananchi wote wanaofika kupata huduma katika zahanati yetu" amesema Nyanda