MKULIMA KUTOKA KWIMBA AIBUKA MSHINDI WA KWANZA ZAO LA PAMBALA PAMBA

Posted on: August 8th, 2025

Katika kuhitimisha sherehe za wakulima nanenane wakulima wa mazao mbalimbali wameshindanishwa kutokana na vigezovilivyowekwa na kamati ya maandalizi ya ya sherehe ambapo Mkulima kutoka Kwimba Ndugu Ngulimi John Zakalia amekuwa mshindi wa kwanza katika kipengele cha mkulima bora wa zao la Pamba

Akiwasilisha taarifa ya maonesho ya nanenane Mkuu wa sekisheni ya uchumi Mkoa wa Mwanza Ndugu Peter  Masele amesema  haya ni maonesho ya saba ya kanda ya ziwa magharibi  ambapo wadau mbalimbali wameshiriki maonesho hayo zikiwemo taasisi mbalimbali za Serikali na binafsi, pamoja na wajasiliamali, "tunaamini kuwa maonesho haya washiriki watayatumia vyema kuongeza tija katika shughuli za kilimo,mifugo na uvuvi"

Mheshimiwa Martin Shigela Mkuu wa Mkoa wa Geita akimkaribisha mgeni rasmi wa sherehe hizo amesema maonesho yamefana sana kuliko mwaka jana pia amewashukuru wananchi kwa kushiriki maonesho hayo.

Aidha amemshukuru Rais kwa kuwezesha wananchi kupata pembejeo na vifaa vingine vya kilimo ikiwemo mbolea ya ruzuku ambayo imechangia kuongeza uzalishaji kwa wakulima.

Mgeni rasmi wa sherehe hiyo Mheshimiwa  Saidi Mtanda Mkuu wa Mkoa wa Mwanza  akihitimisha maonesho hayo amesema

" nimefanikiwa kupita kwenye mabanda nimeona na kujifunza teknolojia mbalimbali, hata mimi ni mkulima na nimenufaika na maonesho haya, twende tukatumie elimu tuliyoipata hapa kuboresha uzalishaji katika kilimo,mifugo na uvuvi"

Pia amemshukuru Rais wa Jamhuri ya Muungano wa Tanzania Mhe. Dkt. Samia Suluhu Hassan  kwa kutoa fedha kwaajili ya chanjo ya kuku na chanjo ya mifugo mingine.

Amesisitiza kuwa sekta ya kilimo ndio imeajili watu wengi hivyo ni eneo nyeti ndiyo maana Serikali imewekaza katika sekata hii ili kuboresha uchumi wa watu  wengi

Pia ametumia kauli mbiu ya  maonesho hayo inayosema " chagua kiongozi bora kwa maendeleo ya kilimo,mifugo na uvuvi" kuwahamasisha wananchi  wote  kujitokeza kupiga kura ifikapo  Oktoba 2025 ili kuchagua viongozi bora watakaohamasisha maendeleo ya kilimo mifugo na uvuvi.