MKURUGENZI ASISITIZA TAHADHARI DHIDI YA CORONA KUZINGATIWA KWA WANAFUNZI KIDATO CHA SITA.

Posted on: June 4th, 2020

Mkurugenzi mtendaji wa Halmashauri ya Wilaya ya Kwimba Bib. Pendo Malabeja ametembelea shule zenye wanafunzi wa kidato cha sita kuona maandalizi ya mitihani inayotarajia kufanyika tarehe 29 Juni 2020.Bib Pendo ameshauri wakati wa maandalizi ya mitihani taratibu za kiafya ziendelee kuzingatiwa kwa wanafunzi, kuwatawanya katika madarasa, kunawa mikono na kuvaa barakoa kwa wanafunzi na walimu wao.Mkurugenzi amewashauri wanafunzi hao kuutumia mda huu kujisomea na kujiandaa ipasavyo ili waweze kufanya vizuri katika mitihani yao.Aidha amewashauri wajiamini katika kile wanachotarajia kukifanya ili wafanye vizuri.

Katika tukio hilo mwanafunzi wa kidato cha sita wa shule ya sekondari Sumve Elieshi Sulleyson alipata nafasi ya kuongea akamshukuru Mkurugenzi kwa ujio wake katika shule hiyo na kuahidi kuyafanyia kazi maelekezo yote yaliyotolewa na viongozi wote waliofika shuleni hapo.