MKURUGENZI AWAPA ONYO WANAOKWAMISHA UTEKELEZAJI WA MIRADI

Posted on: November 3rd, 2024

Mkurugenzi Mtendaji wa Halmashauri ya Wilaya ya Kwimba  Dkt.Amon Mkoga  amewataka wasimamizi wa miradi ya maendeleo kuhakikisha wanatekeleza majukumu yao kwa weledi.

Haya yamejiri jana Novemba  2,2024 wakati akikagua utekelezaji wa miradi ya maendeleo inayotekelezwa jimbo la Kwimba

" kila mtu atimize wajibu wake staki kusikia eti mradi umekwa wakati Serikali imetoa fedha, anayekwamisha mradi nitamchukulia hatua kali" amesema Mkoga

Katika ziara hiyo miradi mbalimbali imekaguliwa ikiwa ni pamoja na miradi ya elimu,Afya na utawala ambapo kasi ya utekelezaji wa miradi imetakiwa kuongezwa ili miradi yote  ikamilike kwa wakati.

Miradi ya elimu iliyokaguliwa ni ujenzi wa mabweni shule ya sekondari Nyamilama, ujenzi wa shule ya msingi shikizi Nyanhiga, ujenzi wa madarasa shule ya msingi Ilula, ujenzi wa madarasa matatu shule ya msingi Shigangama,ujenzi wa choo shule ya sekondari  Shilembo, ukamilishaji wa darasa  shule ya msingi Kawekamo,ukamilishaji wa darasa shule ya Sekondari  Mwamashimba,  ujenzi wa madarasa matatu shule ya msingi Mwang'anga, ujenzi wa vyoo shule ya msingi Mwamitinje, ujenzi wa madarasa  shule ya msingi Chasalawi na Kiliwi, ujenzi wa madarasa shule ya Msingi  Buyogo, Ujenzi wa Shule mpya ya Sekondari Kabale Ng'undi na ujenzi wa shule mpya ya msingi ya mchepuo wa kiingeleza Icheja.

Miradi ya Afya iliyokaguliwa ni ujenzi wa tenkila maji na choo zahanati ya Kibitilwa, ukamilishaji wa zahanati  ya Manguluma,ukamilishaji wa jengo la kusubiria wagonjwa katika hospitali ya Wilaya( icheja) na mradi wa utawala uliokaguliwa ni jengo la  utawala la Halmashauri linalojengwa icheja Ngudu.