MKURUGENZI AWATAKA WATUMISHI WOTE KUFANYA KAZI KWA UPENDO NA UADILIFU

Posted on: April 28th, 2025

Mkurugenzi Mtendaji wa Halmashauri ya Wilaya ya Kwimba Dkt.Amon Mkoga amewataka watumishi wote kuzingatia sheria, taratibu na kanuni za utumishi wa umma huku akisisitiza  upendo na uadilifu miongoni mwa watumishi

" fanyeni kazi kwa upendo, uadilifu na mheshimiane, watumishi wote muwaheshimu wakuu wenu wa Idara na vitengo" amesema Mkoga 

Mkuu huyo amewasisitiza watumishi wote kuwa na siha njema wanapokuwa kazini huku akikazia haiba katika mavazi na mazungumzo " watumishi wote mnatakiwa kuvaa vizuri mavazi yenu ya mitaani msiyalete hapa kazini, hapa kila mtu avae kulingana na taratibu za uvaaji kwa watumishi "

Aidha Mkuu huyo amewataka wakuu wa Idara na vitengo kuwachukulia hatua watumishi wote wasiofata sheria,taratibu na kanuni za utumishi wa umma.

Katika kikao hicho ameshiriki Afisa uchaguzi  Ndug. Wiliam Kasuja  ambaye ametumia nafasi hiyo kuwatangazia watumishi kujitokeza kwenye uboreshaji wa daftari la kudumu la mpiga kura awamu ya pili ambapo kazi hiyo inatarajiwa kuanza tarehe 1-7, Mei 2025 ambapo vituo vitavyotumika ni vilevile vilivyotumika awamu iliyopita

Watumishi walioshiriki kikao hicho wameahidi kwenda kufanyia kazi maelekezo yote yaliyotolewa.