MKUU WA WILAYA ABAINI CHANGAMOTO ZA WANANCHI

Posted on: February 18th, 2020

Mkuu wa Wilaya ya Kwimba Mhe: Senyi S.Ngaga amefanya ziara ya kikazi kuwasikiliza wananchi mahitaji na changamoto zinazowakabili katika Tarafa ya Nyamilama,amebain uhaba wa madawati katika shule ya Msingi hivyo kuwataka wenyeviti kutengeneza madawati hayo na ifikapo mwezi wa tano yakabidhiwe.Aidha amewataka viongozi wa vijiji waachane na migogoro isiyo ya msingi na wajikite katika kazi za kuleta maendeleo katika vijiji vyao,pia amewataka viongozi wa kila Kijiji  kuaandaa heka mbili kwaajili ya shamba darasa la kuotesha miche 200 ya korosho.

     Katika ziara hiyo Mhe: Ngaga amebaini changamoto ya uhaba wa vyumba vya madarasa katika baadhi ya shule za msingi na sekondari  na huduma za Afya kulegalega kwa baadhi ya zahanati na vituo vya Afya hivyo akamtaka Mganga mkuu wa wilaya kushugulikia changamoto hizo za kiafya.Aidha Mkuu amewashauri wananchi kujiunga na mfuko wa bima ya Afya (CHF) iliyoboreshwa ili kurahisisha gharama za matibabu.