MWENYEKITI APEWA MWEZI MMOJA KUREJESHA FEDHA YA KIJIJI ALIYOTUMIA

Posted on: July 23rd, 2025

Mkuu wa Wilaya ya Kwimba Mhe Ng'wilabuzu Ludigija  amemtaka Mwenyekiti wa Kijiji cha Igunguhya Ngudu. Godfrey Singano Salum kurejesha shilingi 500,000 fedha ya kijiji aliyoitumia kwa matumizi yake binafsi

" Mwenyekiti nakupa mwezi mmoja leo ni tarehe 23,Julai 2025 ikifika tarehe 23,Agosti 2025 hiyo fedha ikabidhiwe kwa kijiji la sivyo hatuaza kisheria zitachukuliwa dhidi  yako" Dc Ludigija

Haya yametokea kwenye mkutano wa hadhara uliofanyika katika kijiji hicho ambapo Mkuu wa Wilaya alikuwa akisikiliza na kutatua kero za Wananchi.

Mkuu huyo amewasisitiza wananchi wa kijiji hicho kuanzisha ujenzi wa  Zahanati kwani wananchi wametoa kero hiyo ya kupata  huduma za afya katika vijiji jirani ambako kuna umbali kutoka kijiji hicho.

Pia amewataka wasimamizi wa maji kuhakikisha wanafanya matengenezo ya mabomba mapema pindi wanapopata taarifa ya mabomba kuvuja.

Wananchi wameiomba  Serikali kutengeneza barabara za vitongoji ili kuondoa kero inayowapata hasa wanafunzi kufikia shule ya Msingi Kabale

"tunaomba barabara ijengwe ya kutoka nkonze kwenda Shule ya Msingi Igunguhya na barabara ya kutoka Mwasubi  kwenda Shule ya Msingi na Sekondari  Kabale" amesema Fausti Mathias

Wananchi wamehamasishwa kushiriki uchaguzi Mkuu unaotarajiwa kufanyika mwezi Oktoba " tunzeni vitambulisho ili mwezi wa kumi mkapige kura mchague viongozi watakaohamasisha maendeleo, acheni tabia za kusema fulani atapita harafu hamuendi kupiga kura" Ludigija

Pia amewasisitiza wananchi hasa wanawake  kuhudhulia kliniki wanapokuwa wajawazito ili kuepusha vifo vya mama na mtoto vinavyosababishwa na wanawake kutojifungulia hospitali.

 Aidha Mkuu wa wilaya amekemea tabia za baadhi ya wananchi kuozesha watoto ambao wanatakiwa kusoma

" ni malufuku kuozesha watoto wadogo hao wanatakiwa waende shule, nawaelekeza watendaji msimamie hili yeyote atakayebainika anaozesha watoto,anawapa kazi za biashara watoto badara ya kuwapeleka shule toeni taarifa"

Naye Mkuu wa Polisi Wilaya ya Kwimba  Deocres Mkandala  amewataka wananchi kuacha kufanya ukatili kwa wanawake na watoto, na kutoa taarifa anapobainika mtu anayefanya ukatili kwa watu wengine.