RAS GEITA AZINDUA MAONESHA YA NANENANE KANDA YA ZIWA MAGHARIBI

Posted on: August 3rd, 2024

 Maonesho ya nanenane 2024 kanda ya ziwa magharibi yamezinduliwa rasmi leo Agost 3,2024 kwenye viwanja vya Nyamhongolo huku yakionesha kuzidi kupata hamasa kutoka kwa wananchi.

Akifungua maonesho hayo kwa niaba ya Mkuu wa Mkoa wa Geita Katibu Tawala wa Mkoa huo Ndugu Mohamed Gombati amesema jukwaa hilo liendelee kuwa somo  kwa makundi mbalimbali  yanayolengwa na maonesho hayo.

Akiwa na mwenyeji wake Katibu Tawala wa Mkoa wa Mwanza Ndugu Balandya Elikana, Gombati ametembelea mabanda mbalimbali na kujionea huduma zitolewazo na taasisi,Halmashauri na makundi mbalimbali.

"Serikali ya Rais Samia inataka Taifa lijitosheleze kwa chakula, uwekezaji katika kilimo na maendeleo ya viwanda,nimeona fulsa hizo hapa  nanenane" amesema Gombati

Akitoa taarifa ya maonesho hayo Ndugu Balandya amebainisha kuwa maonesho  hayo yamekuwa na tija kwa wajasiliamali kutokana na kupata elimu ya utalaamu wa kuendesha shughuli za kilimo.

" eneo letu idadi kubwa ni wakulima, wafugaji na wavuvi, Serikali inaendelea kuwekeza katika sekta hii hivyo wakulima wanafaidika kwa kufanya shughuli zao kwa tija" a.esema Balandya