VIONGOZI WA VYAMA VYA SIASA NA VIONGOZI WA DINI WAJIPANGA KUHAMASISHA WANANCHI KUSHIRIKI UCHAGUZI SERIKALI ZA MITAA

Posted on: October 31st, 2024

Viongozi wa vyaama vya siasa na viongozi wa dini washauriwa kuwahamasisha wananchi kushiriki uchaguzi wa Serikali za mitaa kwa kuwachagua viongozi bora watakaohamasisha maendeleo na usalama.

Haya yamejiri kwenye kikao kilichofanyika leo Oktoba 31,2024 kwenye ukumbi wa Halmashauri ya Wilaya ya Kwimba ambapo msimamizi wa uchaguzi amewahamasisha viongozi hao kwenda kuwaelimisha wananchi umuhimu wa kupiga kura kuchagua viongozi bora.

" tukahamasishe wananchi, uchaguzi ufanyike kwa amani na tupate viongozi  bora" amesema Msimamizi wa uchaguzi Dkt Mkoga

Katika kikao hicho ameshiriki Katibu Tawala wa Wilaya Ndugu  Mohamed Ngasinda  ambaye amewahamasisha wajumbe wa kikao hicho kwenda kutoa elimu ya mpiga kura kwa wananchi huku akiwasisitiza viongozi wa dini kutumia muda wa siku za ibada kuwahamasisha waumini kujitokeza siku ya uchaguzi.

Uchaguzi wa Serikali za mitaa unatarajiwa kufanyika tarehe 27 Novemba  2024 ambapo  Wenyeviti wa vijiji, wenyeviti wa vitongoji na wajumbe wa Serikali  ya kijiji watachaguliwa.

Viongozi walioshiriki kikao hicho wameahidi kwenda kuhamasisha wananchi huku viongozi wa dini wakiwakaribisha Msimamizi wa uchaguzi na Katibu Tawala kutembelea nyumba za ibada ili kuwahamasisha waumini  kushiriki uchaguzi.