WAKULIMA WA ZAO LA PAMBA WAKABIDHIWA BASKELI

Posted on: October 31st, 2024

Katibu  Tawala wa Wilaya ya Kwimba Ndugu  Mohamed Ngasinda  amekabidhi baskeli 60 kwa wakulima wa zao la  pamba kutoka vijiji tofauti vya Halmashauri ya Wilaya ya Kwimba.

Vifaa hivyo vimetolewa leo  Oktoba  31,2024 kwenye kituo cha polisi Ngudu zilipokuwa zimehifadhiwa " mnapewa baskeli hizi mkazitumie kwa lengo lililokusudiwa siyo kubebea mkaa, ila  kuhakikisha mnakuwa wasaidizi wa maafisa ugani kwa kuwatembelea wakulima wenzenu wa pamba na kuwapatia ushauri pale inapohitajika" amesema Ngesinda

Baskeli hizo zimetolewa na Katibu Tawala kwa niaba ya bodi ya Pamba ambao wamelenga kuboresha kilimo cha pamba kwa kuwaandaa wakulima wachache kuwa mabalozi kwa wenzao kwa kuwafundisha kilimo bora na kuwatembelea marakwamara ili kubaini changamoto zinazoweza kujitokeza msimu wa kilimo.

Wakulima waliokabidhiwa vifaa hivyo wamepata mafunzo yatakayowawezesha kuwasaidia wakulima wengine kulima kilimo cha kisasa chenye tija.

" ninaishukuru Serikali ya awamu ya sita chini ya uongozi wa Rais Dkt Samia Suluhu Hassan  kwa kutupatia baskeli hizi maana zitaturahisishia kutembelea mashamba yetu na kuwatembelea wakulima wengine kuwafundisha kilimo bora "amesema  Ngulimi Mkulima kutoka kijiji cha Kilyaboya

Serikali ya awamu ya sita  imeendelea kuwaneemesha wakulima wa zao la pamba hapa Wilayani Kwimba kwani hivi karibuni wakulima hao walikabidhiwa trekta  tano kama ruzuku  kwaajili ya kuwarahisishia kilimo cha zao hilo.