WANANCHI WA SANGA WASHIRIKI KUCHIMBA MSINGI WA MADARASA NA MABWENI YA SHULE YA SEKONDARI MWAMASHIMBA

Posted on: June 3rd, 2023

Katibu Tawala Ndugu Nyakia Ally akiwa ameambatana na Mkurugenzi Mtendaji wa Halmashauri ya Wilaya ya Kwimba Bi.Happiness Msanga na wataalamu wa Halmashauri wameshirikiana na Wananchi wa Kijiji cha Sanga kuchimba msingi wa madarasa nane katika Shule ya Sekondari Mwamashimba.

Akiongea na Wananchi baada ya kuchimba msingi Nyakia amesema "tunaishukuru Serikali ya awamu ya sita chini ya uongozi wa Rais wa Jamhuri ya Muungano wa Tanzania Dkt Samia Suluhu Hassan kwa kuleta fedha za kujenga madarasa mabweni na vyoo hii inaonyesha jinsi anavyowajali wananchi"

Naye Mkurugenzi Mtendaji Bi. Happiness Msanga akiwasilisha taarifa amesema Halmashauri imepokea milioni 617.3 kwaajili ya ujenzi wa madarasa nane, mabweni matatu na matundu ya vyoo 13 katika Shule ya Sekondari Mwamashimba.

Kukamilika Kwa miundombinu hiyo kutawasaidia wanafunzi wengi kuishi shuleni na hivyo kuwaepusha na utoro, pia itawasaidia kupata muda wa kujisomea hivyo kuongeza ufaulu.

Mwenyekiti wa Kijiji hicho ameishukuru Serikali kwa kuleta fedha hizo kwani Kijiji kilikuwa kimeshaipangia kila kaya kuchangia elfu 53  za kujenga vyoo lakini baada ya Serikali kuleta fedha michango imeondolewa.