WANANCHI WATAKIWA KUTOA USHIRIKIANO KWA MAKARANI WA SENSA

Posted on: August 25th, 2022

Mkuu wa Mkoa wa Mwanza Mhe. Adam Kigoma Malima amewataka wananchi kuendelea kutoa ushirikiano kwa makarani wa sensa kwani zoezi la kuhesabu watu bado  linaendelea hivyo watu wote  ambao bado hawajahesabiwa waendelee kujiandaa watahesabiwa wote.

Ameyasema haya leo tarehe 25,Agosti 2022 katika vijiji vya kata ya Hungumalwa, wakati akikagua maendeleo ya kazi ya sensa “Wananchi wote ambao bado hamjahesabiwa endeleni kusubiri zoezi la sensa bado linaendelea hivyo wote mtahesabiwa, niwatake mtoe ushirikiano wa kutosha kwa makarani wanapofika kwenye kaya zenu” amesema Mheshimiwa Malima

Aidha Mheshimiwa Malima amesema kazi ya sensa inaendelea vizuri, wananchi wanaendelea kuhesabiwa kulingana na utaratibu uliowekwa na kwa Wilaya ya Kwimba hakuna changamoto yoyote kazi zinafanyika kama ilivyokusudiwa.

Zoezi la sensa ya watu namakazi linaendelea na litakamilika ndani ya siku saba kuanzia tarehe 23,Agosti 2022 ambapo zoezi hilo lilizinduliwa rasmi