WATAALAMU WATAKIWA KUONGEZA JUHUDI KATIKA USIMAMIZI WA MIRADI YA MAENDELEO

Posted on: July 22nd, 2025

Kamati ya maandalizi ya Mwenge ya Mkoa wa Mwanza imewataka wasimamizi wa utekelezaji wa miradi ya maendeleo Wilayani Kwimba kuongeza kasi ili ya utekelezaji  wa miradi ili kukamilisha miradi kwa wakati.

Wameyasema hayo leo 22,Julai 2025 wakati wakifanya ziara ya kukagua maendeleo ya utekelezaji wa miradi mbalimbali ikiwemo miradi itakayopitiwa na mwenge wa Uhuru 2025

" ongezeni juhudi katika usimamizi, wahandisi na wasimamizi wengine jitahidini kufanyia kazi maelekezo na ushauri unaotolewa na viongozi wanaopita kukagua miradi hii ili iweze kukamilika kwa wakati" amesema James Mratibu wa Mwenge Mkoa

Naye katibu Tawala Wilaya ya Kwimba Ndugu Mohamed Ngasinda  amewataka wataalamu wote kwenda kufanyia kazi maelekezo na ushauri uliotolewa ili utekelezaji wa miradi ukamilike kwa wakati.

Aidha Ngasinda  amewataka wasimamizi wote wa shughuli za maandalizi na mapokezi ya Mwenge kufanya kazi kwa weledi  huku akisisitiza hamasa itolewe kwa wananchi ili ifikapo 28, Agosti 2025 Wananchi wote washiriki mapokezi ya Mwenge wa Uhuru ambao utapokelewa katika kijiji cha Maligisu ukitokea Wilayani Magu.

Wataalamu walioshiriki ziara hiyo wameahidi kwenda kutekeleza maelekezo  yaliyotolewa ili kuhakikisha shughuli  zote zinatekelezwa na kukamilika kama ilivyokusudiwa.