WATENDAJI WA KATA WATAKIWA KUHAKIKISHA KILA KIJIJI KINAADHIMISHA WIKI YA LISHE YA KIJIJI

Posted on: November 10th, 2023

Mkuu wa Wilaya ya Kwimba Mheshimiwa Ng'wilabuzu Ludigija amewataka Watendaji wa Kata kuhakikisha wanasimamia Kila kijiji kuadhimisha wiki  ya lishe ya Kijiji ili wananchi waweze kupata Elimu ya lishe bora na kuhakikisha wanatokomeza utapiamlo

" Watendaji hakikisheni hakuna Kijiji kinachoacha kuadhimisha wiki ya lishe Ili hiyo wiki  itumike kutoa Elimu ya lishe bora, simamieni Elimu itolewe ili tuepukane na utapiamlo na udumavu" Ludigija

Watendaji hao wametakiwa kuhamasisha unyonyeshaji  salama ambao unamtaka mtoto  kunyonya miezi sita ya mwanzo  bila kupewa chakula hii inasaidia watoto kuepukana  na udumavu.

Aidha Mheshimiwa Ludigija amewataka Watendaji hao kusimia miradi inayotekelezwa katika maeneo yao ya kazi ikiwemo miradi inayotekelezwa na TASAF, TARURA na RUWASA

" simamieni miradi tunataka kuona Mtendaji unajua Kila hatua ya mradi unaotekelezwa kwenye eneo lako, miradi yote iliyokwenye Kata yako"

Naye Mratibu wa Lishe Emma Kalolo akiwasilisha taarifa ya lishe  ya robo ya kwanza ya mwaka 2023/24 amesema Halmashauri inaendelea kutoa matibabu kwa watoto wanye  utapiamlo,pia Elimu inaendelea kutolewa kwa wananchi kuhusu lishe bora Kwa wajawazito na watoto wenye umri chini ya miaka mitano na unyonyeshaji salama.