ZIARA YA MAFUNZO MIKUMI

Posted on: August 28th, 2023

Halmashauri ya Wilaya ya Kwimba imeendelea kuwapatia motisha watumishi wanaofanya vizuri katika majukumu yao ya kila siku, katika kudhihirisha hilo Halmashauri imewapeleka Mbuga ya wanyama ya Mikumi Walimu wote ambao masomo yao yamefanya vizuri kwenye mitihani ya Taifa.

Walimu hao wakiwa wameambatana na baadhi ya wataalamu kutoka Halmashauri wametembelea Mbuga ya wanyama ya Mikumi kwaajili ya kufanya ziara ya mafunzo.

Katika ziara hiyo ameshiriki Mkuu wa Wilaya ya Kwimba Mheshimiwa Ng'wilabuzu Ludigija na Mkurugenzi Mtendaji wa Halmashauri Bi. Happiness Msanga ambao wamewashauri Walimu wote kuendelea kufanya kazi kwa bidii ili  matokea yajayo yawe mazuri zaidi

" Endeleeni kufanya kazi kwa bidii fundisheni inavyotakiwa,  najua mwaka huu hasa matokeo ya kidato cha sita mmefanya vizuri sana  maana Sumve  kupata nafasi ya nane Kitaifa siyo jambo dogo lakini ongezeni juhudi zaidi Ili Shule nyingi ziingie kwenye kumi bora Kitaifa siyo Sumve tu" Ludigija

Naye Mkurugenzi Mtendaji wa Halmashauri amesema Halmashauri inaedelea kuwasisitiza watumishi wote kufanya kazi kwa bidii " fanyeni kazi kila mtu kwa nafasi yake aonyeshe matokeo chanya, wanaofanya vizuri tutaendelea kuwapatia motisha za aina mbalimbali"