BARAZA LAPITISHA BILIONI 44.89 BAJETI YA HALMASHAURI YA KWIMBA

Posted on: February 9th, 2021

Baraza la Halmashauri ya Wilaya ya Kwimba likiwa chini ya Mwenyekiti wake Mhe. Thereza Jackson Lusangija limepitisha kiasi cha bilioni 44.89 kama bajeti ya Halmashauri kwa Mwaka wa fedha 2021/2022.Ikiwa na mchanganuo ufuatao mapato ya ndani bilioni 2.5, mishahara bilioni 29.2, ruzuku ya matumizi ya kawaida bilioni 1.6, ruzuku ya miradi ya maendeleo bilioni 11.5

Akiongea katika ukumbi wa Halmashauri  Mhe.Lusangija amesema matarajio ya Madiwani wa Halmashauri nikuona mambo yaliyopangiliwa kwaajili ya kuleta maendeleo ya wananchi wa Kwimba yanafanikuwa kwa kiwango kikubwa,pia amesisitiza kuwa atatumia nafasi yake kuhamasisha na kusimamia miradi na shughuli nyingine zinazochagiza maendeleo zinafanyika ili mipango yote iliyojadiliwa katika bajeti hiyo iweze kufanikiwa.

Katika baraza hilo amehudhuria Mkuu wa Wilaya ya Kwimba Mhe. Senyi Simon Ngaga yeye amewapongeza Waheshimiwa Madiwani kwa kupitisha bajeti hiyo pia amewashauri wabuni na kuibua vyanzo vipya vya mapato ili kuongeza mapato ya ndani,vilevile amewasisitiza Madiwani kuwa mstari wa mbele kusimamia miradi inayotekelezwa katika Kata zao ili miradi ikamilike kwa wakati.