CBWSO ZATAKIWA KUONGEZA MTANDAO WA MAJI

Posted on: November 30th, 2023

Mkuu wa Wilaya ya Kwimba Mheshimiwa Ng'wilabuzu Ludigija amevitaka vyombo vya watoa huduma za maji ngazi ya jamii( CBWSO) kuhakikisha wanaongeza Mtandao wa maji ili kuwafikia Wananchi ambao bado hawajafikiwa na huduma hiyo.

Ameyasema hayo leo Oktoba 30,2023  katika Mkutano  Mkuu wa vyombo vya watoa huduma za maji ngazi ya jamii " sitokubaliana Wala kuivumilia CBWSO itakayoshindwa kuongeza Mtandao wa maji, CBWSO inayokusanya hela na kujilipa bila kuongeza Mtandao itachukuliwa hatua za kisheria" Ludigija

Mkuu huyo amesisitiza kuwa viongozi wa  CBWSO  wanatakiwa kuwa wabunifu kuanzisha miradi itakayowawezesha kukusanya fedha nyingi zitakazosaidia kuendeleza miradi na kuongeza Mtandao wa maji.

Aidha viongozi wa CBWSO wametakiwa kutumia mfumo ulioanzishwa na wizara ya maji wa ukusanyaji wa fedha ambapo fedha za maji zitalipwa kwa kutumia kumbukumbu namba ambapo kupitia mfumo huo wahasibu hawatatakiwa kupokea fedha kutoka kwa wateja.

Naye Meneja wa RUWASA Wilaya ya Kwimba Mhandisi Godliver  Gwambasa  amewashauri viongozi wa CBWSO kushirikiana na kubadirishana ujuzi ili kuboresha huduma za maji vijijini.

Viongozi wa CBWSO wameahidi kwenda kufanyia kazi maelekezo na ushauri uliotolewa na viongozi walioshiriki mkutano huo.