MADIWANI WASHAURIWA KUTIA CHACHU YA MAENDELEO 'DC' NGAGA

Posted on: January 13th, 2021

 Mkuu wa Wilaya ya Kwimba Mhe. Senyi Simon Ngaga akifungua mafunzo ya Madiwani  tarehe 13/01/2021 katika ukumbi wa Halmashauri ya Kwimba  amewaasa  Madiwani kuzingatia mafunzo wanayopewa ili yakawasaidie kusimamia utaratibu utakaoleta maendeleo katika Kata zao,amesisitiza kuwa wananchi wanaimani na Serikali kutokana na mazuri yaliyofanyika awamu iliyopita hivyo Madiwani wameaswa kwenda kuyaendeleza mazuri yote.DC amewaasa  Madiwani kwenda kufanya kazi kwa weredi na kuhamasisha wananchi kufanya kazi za maendeleo na amewataka wakawashauri wananchi  kujiunga na bima ya Afya iCHF iliyoboreshwa ili wawe na uhakika wa matibabu kwani Afya bora ndio  mtaji.

 Aidha DC amesema Halmashauri ya  Kwimba imejiandaa kupokea wanafunzi wote wa kidato cha kwanza, meza, viti na madarasa vimeshaandaliwa na vichache vinaendelea kuandaliwa hivyo wanafunzi wote wanaendelea kupokelewa  katika Shule walizopangiwa na amesisitiza kuwa 'hakuna Mwanafunzi atakaye somea chini ya mti'. Ameongeza kuwa Halmashauri imeanzisha  Shule mpya za Sekondari nne ambapo Shule mbili yaani Shilembo na Hungumalwa ziko tayari kupokea wanafunzi wa kidato cha kwanza,vilevile amesema Halmashauri inamikakati ya Kujenga Shule ya Sekondari ya wasichana ya Wilaya ili kukabiliana na changamoto wanazopata wanafunzi wa kike.

Katika tukio hilo Mhe. Ngaga ametoa hati za viwanja kwa wananchi ambao hati zao zilikua tayari na amemshauri Afisa Ardhi kujitahidi kuandaa hati nyingi zaidi kulingana na maelekezo ya Wizara.