DC AAHIDI KUWAVALIA NJUGA WOTE WANAOWAPA MIMBA WANAFUNZI

Posted on: September 9th, 2022

Mkuu wa Wilaya ya Kwimba Mhe.Johari Samizi ameahidi kuwachukulia hatua wote watakaothibitika kuwa na mahusiano ya kimapenzi na wanafunzi. Ameyasema hayo leo tarehe  9/9/2020 kwenye ukumbi wa Shule ya Sekondari Ngudu wakati akifanya uzinduzi wa miongozo ya Elimu

“ ikithibitika unafanya mahusiano ya kimapenzi na mwanafunzi au umempa mimba mwanafunzi sikuachi lazima ufungwe tu, na hapa tuelewane walimu wapendeneni wanafunzi,waleeni na kuwatunza kama watoto wenu, Mwalimu atakayethibitika anamahusiano ya kimapenzi na  Mwanafunzi atafungwa hili nitalisimamia” amesema Samizi

Aidha Mkuu huyo amewataka Maafisa Elimu kuweka mikakati itakayowasaidia wanafunzi kufanikiwa katika masomo yao ikiwa ni pamoja na kubadiri mfumo wa masomo yaani wanafunzi wakienda Shuleni wasome hadi saa nane kisha warudi nyumbani,  siyo kwenda na kurudi kama ilivyo sasa kitu kinachopelekea wanafunzi wengi kuchoshwa na safari ya kwenda na kurudi hivyo kupelekea wanafunzi wengi kuwa watoro na wengine kuacha masomo

Miongozo hiyo iliyozinduliwa ni mwongozo wa uteuzi wa viongozi wa Elimu,mwongozo wa kuimarisha ufundishaji na ujifunzaji kwa Elimu Msingi na mwongozo wa changamoto katika uboreshaji wa Elimu Msingi na Sekondari. Miongozo hiyo  imelenga kuongeza idadi ya wanafunzi wanaokamilisha mzunguko wa Elimu na kukabiliana nachangamoto zinazohafifisha malengo ya  wanafunzi.

Walimu walioshiriki uzinduzi huo wameahidi kwenda kufanyia kazi miongozo hiyo na kuhakikisha wanawasaidia wanafunzi kufikia ndoto  zao.