DC AAGIZA WAZAZI WA WANAFUNZI WATORO WAKAMATWE.

Posted on: August 13th, 2020

Mkuu wa Wilaya ya Kwimba Mhe.Senyi Saimon Ngaga amefanya ziara katika kata mbalimbali za Wilaya ya Kwimba kukagua  miradi na kutoa ujumbe wa serikali kwa wananchi.Wakati wa ziara yake ametoa agizo kwa kamanda wa police kukamata wazazi ambao wamekaa na wanafunzi (watoro) nyumbani tangu shule zifuguliwe baada ya likizo ya corona.

Katika ziara hiyo Mhe.Ngaga ameelezea miradi mbalimbali inayoendelea chini ya serikali ya awamu ya tano,amesema serikali inaleta fedha za Idara ya elimu ambapo miundombinu ya shule na vyuo mbalimbali inajengwa, Zahanati na Hospitali ya Wilaya zinajengwa,barabara,tenki za maji na vitu vingine. Hivyo amewataka wananchi kufahamu kuwa serikali inafanya mambo mengi ya maendeleo katika Wilaya hii na wananchi wanapaswa kuyajua hayo.

Aidha amewataka wananchi kuendelea kushiriki shughuli za kimaendeleo katika ngazi za vijiji hadi kata.Pia amewashauri wananchi kujenga nyumba bora za kisasa na kujishughulisha na kazi zakuwaletea maendeleo ili waendane na uchumi wa Kati.