DC JOHARI AKABIDHI OFISI KWA DC LUDIGIJA

Posted on: February 6th, 2023

Mkuu wa Wilaya ya Kwimba Mheshimiwa Arch.Ng'wilabuzu  Ndatwa Ludigija Leo Februari 6,2023 amekabidhiwa Ofisi na aliyekuwa Mkuu wa Wilaya ya Kwimba Mheshimiwa Johari Samizi ambaye amehamishiwa Wilaya ya Shinyanga.

Akiongea katika makabidhiano hayo Mhe. Samizi amewashukuru viongozi wote na wananchi Kwa ushirikiano waliompatia kipindi cha uongozi wake hapa Kwimba,pia ameshauri kasiya usimamizi wa miradi iliyokuwa inatumika iendelee ili Kwimba isonge mbele zaidi.

Naye Mkuu wa Wilaya ya Kwimba Mhe. Ludigija amewaomba wananchi na viongozi wote kumpa ushirikiano Ili kusukuma gurudumu la maendeleo ya Kwimba.

Aidha amesisitiza suala la ushirikiano, uwajinikaji na kujituma katika kufanya kazi  Kwa watumishi wa umma

" Mimi  napenda matokeo kwahiyo niwaombe Kila mtu kwa nafasi yake tufanye kazi tuibadirishe Kwimba, Kwimba ni Wilaya kongwe sana lakini bado tuko nyuma ukilinganisha na Wilaya jirani kwahiyo tupambane kuiinua kiuchumi.Vilevile Kwa kipindi nitakachokuwepo Kwimba Kila mwananchi atatakiwa kuwa na shamba la Pamba lisilopungua heka moja, tunataka tulitumie zao hili kuinua uchumi wa familia, Halmashauri na Taifa kwaujimla" Ludigija

Wakuu wa Wilaya hao wamemshukuru Mheshimiwa Rais  wa Jamhuri ya Muungano wa Tanzania Dkt. Samia Suluhu Hassan kwa kuendelea kuwaamini katika utumishi wao na wameahidi kutomwangusha katika utendakazi wao.

Katika makabidhiano hayo wameshiriki viongozi mbalimbali ambao wamempongeza Mkuu wa Wilaya anayeondoka Kwa ushirikiano aliokuwa anauonyesha katika utekelezaji wa shughuli za maendeleo na wamemkaribisha Mkuu aliyekuwa na kuahidi kushirikiana naye.

 " tunakushukuru sana Mheshimiwa Johari Kwa ushirikiano uliotupatia hivyo tunakuombea na huko unakokwenda ukauendeleze, wewe ni mwanakwimba na tutaendelea kushirikiana na wewe hata  ukiwa huko Shinyanga " amesema  Mhe. Sabana Rushu Mwenyekiti CCM Wilaya