DC LUDIGIJA AENDELEA KUSIKILIZA KERO ZA WANANCHI

Posted on: May 21st, 2024

Mkuu wa Wilaya ya Kwimba Mheshimiwa Ng'wilabuzu Ludigija aendelea kusikiliza na kutatua kero za wananchi ambapo leo Mei, 21,2024 amesikiliza kero za wananchi wa Kata ya Mwang'alanga.

Katika mkutano huo kero mbalimbali zimejitokeza ikiwemo kuchelewa kukamilika kwa mradi wa bwawa, migogoro ya ardhi na huduma zisizoridhisha katika zahanati ya Mahiga.

Mheshimiwa Ludigija ametatua kero hizo kwa kutoa maelekezo kwa wasimamizi wa mradi wa bwawa kuongeza kasi ya utekelezaji.

Aidha amemtaka Mganga wa Zahanati ya Mwang'alanga  kuishi eneo la kazi ili kutoa huduma za Afya kwa wakati.

N

Vilevile amewasisitiza Watendaji wa Kata na Vijiji kutatua migogoro ya ardhi inayojitokeza katika maeneo yao ili kuondoa madhara yanayoweza kusababishwa na migogoro hiyo.

Wananchi walioshiriki mkutano huo wamemshukuru  Mkuu wa Wilaya na wameomba utaratibu huo wa kusikiliza kero uendelee kwani utasaidia kutatua matatizo mbalimbali kwenye  jamii.