DC LUDIGIJA AKEMEA UKATILI KWA WATOTO

Posted on: June 16th, 2023

Katika kuadhimisha siku ya mtoto wa Afrika Mkuu wa Wilaya ya Kwimba Mheshimiwa Ng'wilabuzu Ludigija amewataka wazazi kuongeza uangalizi wa watoto Ili kuwalinda na madhara yanayosababishwa na mmomonyoko wa maadili, pia amekemea ukatili Kwa watoto unaofanywa na baadhi ya watu wasio na maadili

" Kwimba sisi siyo kisiwa kwimba tuna watoto wanaofanyiwa ukatili wa kingono, wengine wanabakwa na kupata mimba ukatili huu haikubariki, tutapambana na mtu yoyote anayefanya ukatili kwa watoto" Ludigija

Katika maadhimisho hayo wadau mbalimbali wameshauri wazazi kuwa karibu na watoto wao Ili kugundua mabadiliko kwa watoto

" tuwalinde watoto wetu, hata wale ambao ni walemavu tusiwaache tu, tuwakinge na unyanyasaji" Julias

Watoto nao hawakubaki nyuma wameiomba Serikali kuendelea kuwalinda dhidi ya ukatili  na unyanyasaji ambao baadhi yao wanafanyiwa " tunaiomba Serikali iendelee kutulinda na ukatili,kunawengine wanafanyiwa ukatili nyumbani kwao na wengine shuleni"  Enock Mayunga 

Maadhimisho hayo yamebeba kauli mbiu inayosema  zingatia usalama wa mtoto katika ulimwengu wa kidijitali