DC LUDIGIJA ATAKA MIFUMO YA AFYA IZINGATIWE KATIKA KUTOA HUDUMA

Posted on: September 3rd, 2024

Mkuu wa Wilaya ya Kwimba Mhe. Ng'wilabuzu Ludigija amewataka watumishi wa Idara ya Afya kuhakikisha wanazingatia matumizi sahihi ya mifumo ili kuepusha usumbufu unaojitokeza kwa wagonjwa

" daktari anapomwandikia dawa mgonjwa awe na uhakika kwamba hiyo dawa ipo na kama haipo amwambie mgonjwa hapohapo au amuandikie dawa nyingine inayoendana nahiyo siyo mgonjwa anafika dirisha la dawa  anaambiwa hii dawa haipo" amesema Ludigija 

Haya yamejiri leo Septemba 3,2024 wakati Kamati ya Usalama ya Wilaya ikiongozwa na Mwenyekiti wa Kamati hiyo ambaye ni Mkuu wa Wilaya  walipokuwa wakikagua huduma zinazotolewa katika Hospitali ya Wilaya.

Aidha  Mkuu huyo amewataka kuboresha mifumo hiyo ili kuongeza mapato " huduma ikiwa nzuri wagonjwa wataongezeka mtapata mapato mengi kwahiyo imarisheni mifumo" amesema Ludugija

 Naye Mganga mfawidhi wa Hospitali  hiyo Daktari Neema Gervas  amesema Hospitali hiyo ilishaanza kutumia mifumo na wanaendelea kuboresha utoaji wa huduma kupitia mfumo.

Baada ya kukagua Hospitali kamati hiyo imekagua tenki la maji la Ngudu mjini ambapo wamewataka watumishi wa Idara ya maji  kuhakikisha maji yanapatikana kwa wingi