DC LUDIGIJA ATEMBELEA FAMILIA YA IDUBULILO

Posted on: April 30th, 2024

Mkuu wa Wilaya ya Kwimba Mhe. Ng'wilabuzu Ludigija akiwa ameambatana na Mkurugenzi wa Halmashauri pamoja na kamati ya usalama Jana Aprili 30,2024 walitembelea familia ya Mganga wa Jadi Ndugu Idubulilo wa Kijiji Cha Mwang'ombe Kata ya Hungumalwa.

Mheshimiwa Ludigija amemshukuru Mganga huyo kutokana na jinsi anavyojitoa kushiriki matukio mbalimbali ya kiserikali kwa kutoa kikundi chake cha ngoma kuburudisha bila kulipwa gharama yoyote.

Aidha Mheshimiwa Ludigija amemtaka Mganga huyo kuwahamasisha wajawazito kwenda kujifungua Hospitali siyo kwa waganga wajadi, pia amemshauri kutojihusisha na ramli chonganishi zinazopelekea kutokea kwa migogoro katika jamii.

Mganga huyo amewashukuru viongozi waliofika nyumbani kwake na ameahidi kuendelea kutoa ushirikiano kwa viongozi hao.