DC LUDIGIJA AWATAKA VIONGOZI WA DINI KUWAHAMASISHA WAUMINI KUJIKINGA NA KIPINDUPINDU

Posted on: September 13th, 2024

Mkuu wa Wilaya ya Kwimba Mhe Ng'wilabuzu Ludigija amewataka viongozi wa dini  kutoa elimu kwa waumini wao kuhusu ugonjwa wa kipindupindu Dalili  zake na namna ya kujikinga

Ameyasema hayo leo Septemba  13,2024 kwenye kikao cha dharura kilichofanyika kwenye ukumbi wa Halmashauri  baada ya taarifa za kuwepo kwa mlipuko wa ugonjwa wa Kipindupindu Wilayani hapo

" hiki siyo kipindi cha kuwaonea watu aibu, tuambizane ukweli watu wajue kipindupindu  ni hatari wajikinge, viongozi wa dini tumieni nafas zenu kufikisha ujumbe" amesema Ludigija 

Katika kikao hicho wameshiriki Maafisa Afya kutoka Mkoani  Mwanza ambao wameendelea kupita maeneo yenye mlipuko wa ugonjwa huo kwaajili ya kutoa elimu kwa wananchi juu ya kujikinga.

Akiwasilisha taarifa Mganga Mkuu wa Wilaya Dkt Zuber Mzige amesema vituo vya Afya sita vimeandaliwa kwaajili ya kupokea wagonjwa.

Wananchi wametakiwa kujikinga na gonjwa hilo kwa kuzingatia usafi wa vyoo, kunawa na maji tiririka mara kwa mara, kuepuka mikusanyiko isiyo ya lazima na kwenda kituo cha Afya pindi wanapoona dalili za ugonjwa huo yaani kuharisha, kutapika na kuishiwa nguvu.