DC SAMIZI AWATAKA WANANCHI WA KWIMBA KUENDELEA KUCHAPA KAZI

Posted on: July 1st, 2021

Mkuu wa Wilaya ya Kwimba Mhe. Johari Mussa Samizi amefanya Mkutano wa hadhara jana tarehe 30/06/2021 na Wananchi wa Kata ya Ngudu kwa lengo la kujitambulisha kwa Wananchi, aidha  ameomba ushirikiano wa Wananchi katika shughuli zote zinazoendelea na zitakazoendelea katika kipindi chote atakachokuwepo hapa Wilayani Kwimba.

Akiongea katika mkutano huo Mhe.Samizi amesema Milango ya Ofisi yake iko wazi hivyo Wananchi wanakaribishwa kufikisha kero zao,ushauri na mapendekezo yatakayo leta maendeleo kwa Wilaya na Taifa kwa ujumla.

Aidha Mhe.Samizi amesisitiza kuwa maendeleo ya Kwimba yataletwa na wanakwimba wenyewe hivyo amesisitiza Wananchi wote kuendelea kufanya kazi kwa bidii ili kuongeza chachu ya maendeleo.Pia amewapongeza Wananchi wa Halmashauri ya Wilaya ya Kwimba kwa kujitolea kujenga maboma 60 ya madarasa ya Shule mbalimbali za Wilaya hii na miradi mingine inayoendelea katika kila Kijiji na Kata.

Katika Mkutano huo Mhe.Samizi amewataka wananchi kuendelea kuchukua  tahadhari dhidi ya virusi vya corona.