DC SAMIZI AWATAKA WATENDAJI WA KATA NA WAKUU WA SHULE KUSIMAMIA KWA UAMINIFU MIRADI INAYOTEKELEZWA KWA FEDHA ZA UVIKO-19

Posted on: October 26th, 2021

Mkuu wa Wilaya ya Kwimba Mhe. Johari M. Samizi amewataka Watendaji wa Kata na Vijiji na Wakuu wa Shule wanaoshiriki usimamizi wa utekelezaji wa miradi itokanayo na fedha za UVIKO-19 kuhakikisha miradi hiyo inatekelezwa na kukamilika kwa wakati.

Ameyasema hayo katika kikao kilichofanyika tarehe 25 Oktoba,2021 kwenye Ukumbi wa Ngudu Sekondari ambapo amewaelekeza viongozi hao kuhakikisha madarasa yanayojengwa yanakamilika kwa fedha iliyoletwa na Serikali.Mkuu huyo amesisitiza kuwa hategemei kuona mradi wowote kuchelewa kukamilika kwa visingizio visivyo na tija,

" kila mradi utekelezwe kulingana na fedha iliyotengwa hakutakuwa na fedha za kuongezea rabda fedha zibaki ili zifanye kazi nyingine na mradi uwe umekamilika kwa viwango vinavyotakiwa"   amesema Samizi

Aidha katika Kikao hicho Mkurugenzi Mtendaji Bi.Happiness Msanga amesisitiza uwajibikaji,uadilifu na uaminifu kwa watendaji na Walimu hao wanaoshiriki usimamizi wa miradi hiyo. Amewataka kutojishirikisha na vitendo vyovyote vitakavyopelekea miradi kukwama kwani hatua kali za kisheria zitachuliwa kwa yeyote atakayebainika.

Wilaya ya Kwimba imepokea kiasi cha shilingi Bilion 2.18 fedha za UVIKO-19  kwaajili ya ujenzi wa madarasa 109 ya shule za Sekondari