ELIMU YATOLEWA YA UMUHIMU WA KUJIANDIKISHA DAFTARI LA MPIGA KURA

Posted on: July 10th, 2024

Mkurugenzi Mtendaji wa Halmashauri ya Wilaya ya Kwimba Bi. Happiness Msanga  ametoa elimu ya umuhimu wa kujiandikisha kwenye daftari la kudumu la mpiga kura.

Elimu hiyo imetolewa leo kwenye kikao cha kamati ya maendeleo  ya Kata ya Maligisu kilichofanyika katika Shule ya Sekondari Maligisu

' Mwenyekiti wa kijiji na kitongoji  hakikisheni mnatoa elimu kwa wananchi juu ya umuhimu wa kujiandikisha maana wasipojiandikisha hawataweza kupiga kura kwahiyo wahamasisheni wajiandikishe' Msanga 

Bi. Msanga amewasisitiza viongozi wote walioshiriki kikao hicho kwenda kutoa elimu kwa wananchi ili muda utakapofika wa kuboresha taarifa kwenye daftari la mpiga kura wote waliofikia umri wa kupiga kura wajiandikishe

Katika kikao hicho Mkurugenzi amewataka viongozi wa vijiji na kata kutokuwa chanzo cha kukwamisha ukamilishaji wa miradi

" sitarajii kusikia kiongozi ndio chanzo cha mradi kutokamilika, mtu anayekwamisha ukamilishaji wa mradi huyo ni adui mkubwa"

Aidha amewataka watumishi wa umma kushiriki kwenye  matukio ya kijamii " lazima tuishi kwa kutegemeana na kuhamasishana na sote tunaishi kwenye Jamii kwahiyo kama kuna michango ya maendeleo lazima tutoe maana maendeleo ya mahali  popote yanaletwa na wanaoishi eneo hilo" amesema Msanga 

Naye Mwenyekiti  wa kijiji cha Kadashi Mhe. Philimon Ndulu amemshukuru Mkurugenzi  kwa maelekezo aliyotoa na ameahidi kwenda kuyatekeleza.