HATIMAE WAKULIMA WA PAMBA WAPATIWA FEDHA ZAO.

Posted on: August 19th, 2020

Mkuu Wa Wilaya ya Kwimba Mhe Senyi S.Ngaga amewakabidhi wakulima wa pamba Wa chama cha msingi  (AMCOS) shilembo kiasi cha milioni tano  Fedha iliyookolewa na  TAKUKURU kutoka Kwa Jamada A.Juma Afisa Masoko Wa kampuni ya AFRISIAN na  Julius Masule karani wa  AMCOS ya Shilembo,ambao kwa  pamoja walikubaliana kuchepusha kiasi cha milioni tisa Fedha za wakulima wa pamba wa ushirika  huo.

Akikabidhi Fedha hizo kwa  wakulima Mkuu Wa Wilaya amesema Fedha hiyo itatolewa kwa awamu mbili kutokana na  jinsi zinavyorudishwa hivyo zilizotolewa leo tarehe 19/08/2020 ni awamu ya kwanza,DC amesema Afisa huyo wa kampuni alifanya utapeli kwa kumsainisha karani wa AMCOS kupokea fedha kisha akaondoka na fedha hizo hivyo TAKUKURU wamefanya kazi kubwa ya kufanikisha urejeshwaji wa fedha hizo.Mkuu wa Wilaya amewaomba wakulima kuendelea na  Kilimo na  kuwa na imani kuwa fedha zote wanazodai zitalipwa hivyo wasikate tamaa ya kulima pamba.Aidha Mhe.Ngaga amewataka TAKUKURU kushugulikia AMCOS zote zinazodaiwa na wakulima ili zilipe madeni hayo kufikia tarehe 30/09/2020.

Pia DC ameshauri wataalamu wa ushirika kutoa elimu kwa viongozi wa AMCOS ili waweze kujisimamia na  kusimamia fedha Kwa weledi unaotakiwa.

Akitoa taarifa fupi Ndugu Julian Augustine Kamanda Wa TAKUKURU (W) amesema hatua iliyochukuliwa ya kuokoa fedha hizo ni mwendelezo wa utaratibu uliowekwa na serikali wa kuhakikisha kuwa watuhumiwa wa  makosa ya rushwa hawanufaiki na mazao ya rushwa na  wanachukuliwa hatua za kisheria.