JESHI LA SUNGUSUNGU LAKABIDHIWA KWA DC LUDIGIJA

Posted on: August 22nd, 2023

 Mkuu wa Wilaya ya Kwimba Mheshimiwa Ng'wilabuzu Ludigija amekabidhiwa rasmi jeshi la Sungusungu  na aliyekuwa Mkuu wa Wilaya ya Kwimba Mheshimiwa Johari Samizi ambaye ni Mkuu wa Wilaya ya Shinyanga  kwa Sasa, makabidhiano hayo yamefanyika leo Agosti 22,2023 katika Kijiji cha Sangu.

Mheshimiwa Samizi amelipongeza jeshi la Sungusungu kwa ushirikiano waliouonyesha katika kipindi chote alichokuwa kiongozi katika Wilaya ya Kwimba.

Naye Mkuu wa Wilaya ya Kwimba Mheshimiwa Ludigija amelitaka jeshi hilo kuendelea kuimarisha ulinzi na kuendelea kufanya kazi kwa ushirikiano

" niendelee kuwashukuru  na kuwapongeza kwa kazi nzuri mnayoifanya kuimarisha ulinzi na usalama, Wilaya imetulia sana hongereni sana na endeleeni kushirikiana na jeshi la police kuimarisha ulinzi" Ludigija

Aidha Mkuu huyo amesisitiza kuwa sasa amekabidhiwa jeshi hilo hivyo atalisimamia kikamilifu "amenikabidhi rasmi jeshi hili na siraha zote za jeshi hili, hapa nilipo simama niko kamili na najiamini kwasababu nimekabidhiwa kila kitu"  Ludigija

Jeshi hilo limewapongeza viongozi hao na kuwapatia zawadi za mifugo ( mbuzi)  kama kumbukumbu ya ushirikiano katika kazi za ulinzi na usalama