KAMATI YA BUNGE YAKAGUA MAENDELEO YA UJENZI WA HOSTELI CHUO CHA MICHEZO MALYA

Posted on: January 21st, 2023

Kamati ya kudumu ya huduma za jamii ya Bunge imefanya ziara Wilayani Kwimba kukagua maendeleo ya ujenzi wa hosteli ya wanafunzi wa  Chuo cha Michezo Malya.

Ziara hiyo imefanyika leo tarehe 21, Januari 2023 ambapo wabunge hao wamepongeza hatua iliyofikiwa. Mwenyekiti wa Kamati hiyo Mheshimiwa Stanslaus  Nyongo  amewaelekeza wasimamizi wa ujenzi huo ambao ni Wizara ya Michezo  kuendelea kuongeza kasi ya ujenzi huo ili jengo likamilike na kuanza kutoa huduma iliyokusudiwa.

“ tunawapongeza sana kwa hatua hii, lengo la kuboresha miundombinu tumeliona na tuwaambie tu kuwa tuko pamoja nanyie kuhakikisha miundominu hii inaboreshwa maana michezo ni Afya pia niajira”  Nyongo

Jengo hilo linatarajiwa kutumia bilioni 2.65 hadi kukamilika, ambapo kwa sasa limefikia hatua ya asilimia 27 ya utekelezaji na  jumla ya milioni 690 zimeshatumika.