KAMATI YA SIASA YA MKOA YAKAGUA MIRADI YA MAENDELEO INAYOTEKELEZWA WILAYA YA KWIMBA

Posted on: August 24th, 2021

Mhe. Antony Dialo Mwenyekiti wa Kamati ya Siasa Mkoa wa Mwanza akiwa ameambatana na wajumbe wa kamati hiyo tarehe 23 Agosti, 2021 wamefanya ziara ya kukagua miradi mbalimbali ya maendeleo inayotekelezwa Wilaya ya Kwimba.

Wajumbe wa Kamati hiyo wameshauri miradi ya Afya ya Kituo cha Afya Kadashi na Hospitali ya Wilaya ikamilike kwa haraka ili wananchi waanze kupata huduma katika Vituo hivyo , vilevile wamesisitiza usimamizi wa miradi wakati wa utekelezaji uimarishwe ili miradi inapokamilika ionyeshe thamani ya pesa zinazotumika kutekeleza miradi hiyo.

Aidha Mkuu wa Mkoa wa Mwanza Mhandisi Robert Gabriel ambaye ni mjumbe wa Kamati hiyo amewataka viongozi wote kusimama katika nafasi zao ili kuhakikisha miradi inatekelezwa kwa kiwango kinachotakiwa,Mkuu huyo amesema hatawafumbia macho wasimamizi wote watakaoonyesha uzembe katika kazi zao.